口罩唔夠嘅時候我都會重用，但頂多都係兩三日。但眼見有公公婆婆因為物資唔多，加上價錢亦太貴，一個口罩抹完再用都已經用咗7日，掛耳仔嘅帶都變成咗暗黃色，望到真係好心噏。😢😢.
一個半月前係網上面訂嘅口罩始終都係冇嚟到，好心痛而家都仲有啲自私嘅人喺度諗點發達。😡💰💰🤬🤬.
不過好感動嘅就係有外地朋友見到我俾人呃，都好熱心主動咁幫我訂咗批口罩返嚟，仲有麥玲玲師傅一知道我想派物資，即刻二話不說第二日就送咗幾百支洗手啫喱過嚟。🙏🏻🙏🏻.
而最開心嘅係，有幾位朋友一聽到我話去派物資，覺都唔瞓，搵哂全家一齊去搵密實袋，收工冇瞓覺就去將啲物資包好一袋袋，真係好好好開心大家出錢又出力去幫人。💪🏻💪🏻💰.
瞓得3個鐘起身去派口罩其實真係好眼瞓，喺街度拎住幾百袋嘅口罩加洗手啫喱真係有啲重同好熱。但係當見到婆婆伯伯收到口罩嘅時候，睇見佢哋對眼都笑緊咁，再講聲「願主保佑，希望個個身體健康」，真係咩辛苦都唔記得哂。☺
同埋好多婆婆伯伯真係好好，明明自己都冇乜物資，我哋好想送多少少畀佢哋，佢哋都會拒絕，叫我哋分享畀其他有需要嘅人。👍🏻👍🏻.
雖然我哋有嘅物資唔係好多，但我哋希望幫得幾多得幾多，希望我哋咁做可以感染到身邊嘅人去幫更多有需要嘅人。❤🧡💛💚💙💜
題外話，派口罩嘅時候見到好多人為咗食煙
，然後就要將個口罩拉到下巴位。吸煙危害健康呀，加上個口罩咁搞法都唔應該再用翻。壞處咁多，不如戒咗煙去啦！🚬🚬❌❌.
「沒有不停的雨，天一定會放晴。互相爭就不足，互相分就有餘。」
Search